Llywodraeth yn ymchwilio i TGAU Saesneg

Eisiau gwybod pam bod y canlyniadau wedi gostwng

24 Awst 2012

Leighton Andrews
Mae Llywodraeth Cymru wedi dweud y byddwn nhw’n ymchwilio i danberfformiad canlyniadau Saesneg TGAU disgyblion Cymru eleni.

Dywedodd y Gweinidog Addysg, Leighton Andrews, ei fod eisiau gwybod pam bod y canlyniadau wedi gostwng.

Syrthiodd canlyniadau TGAU ar draws Cymru, Lloegr a Gogledd Iwerddon eleni, a hynny am y tro cyntaf ers cyflwyno TGAU.

Mae Leighton Andrews wedi cyhuddo Ysgrifennydd Addysg Llywodraeth San Steffan, Michael Gove, o roi pwysau ar fyrddau arholi i fod yn fwy llym.

Mae Michael Gove yn gwadu’r cyhuddiad.

Dywedodd llefarydd ar ran Adran Addysg San Steffan mai eu cyfrifoldeb nhw oedd addysg Lloegr yn unig, a bod addysg yng Nghymru yn nwylo Llywodraeth Cymru.

Dywedodd Llywodraeth Cymru bod y canlyniadau a gyhoeddwyd ddydd Iau yn codi cwestiynau difrifol ynglŷn â chanlyniadau Saesneg TGAU disgyblion Cymru.

Roedden nhw’n bwriadu ystyried yr holl dystiolaeth er mwyn canfod beth ddigwyddodd, meddai llefarydd.

Poblogaidd

Swyddi

Cronfa Gymunedol y Loteri Genedlaethol

Swyddog Ariannu – Canolbarth a Gorllewin Cymru

Prifysgol Bangor

Cyfathrebwr Estyn Allan STEM (40% CALl)

Ofcom Cymru

Cynorthwyydd Materion Rheoleiddiol Ofcom Cymru

Prifysgol Bangor

Pennaeth y Gwasanaethau Cyfreithiol (Dros Gyfnod Mamolaeth)

Yr Eglwys yng Nghymru

Cyfarwyddwr Astudiaethau Caplaniaeth

Ombwdsmon Cymru

Swyddog Prosiect Ymbweru Bro (ardal Wrecsam)

Menter a Busnes

← Stori flaenorol

Rhyngwladol

Rhybudd am “oblygiadau byd eang” i’r cynhesu yn yr Arctig

Mae Siberia wedi profi tymereddau sydd 10C yn gynhesach eleni na’r hyn a fyddai’n arferol

Stori nesaf →

Cymru

Chwilio am fedd Rhisiart III

Wedi ei drechu gan y Cymro Harri Tudur ym mrwydyr Bosworth

Hefyd →

Addysg

‘Angen cydweithio â chymunedau gwledig yn sgil pryderon am ad-drefnu ysgolion’

Mae Cymdeithas yr Iaith yn galw ar Gyngor Sir Ceredigion i weithio gyda chymunedau wrth iddyn nhw’n dechrau adolygu dyfodol ysgolion cynradd

8 sylw

Cwm Rhyd Chwados 24 Awst 2012, 13:32

O ran diddordeb, beth yw’r newid yng nghanlyniadau TGAU Cymraeg a sut mae hyn yn cymharu gyda canlyniadau TGAU Saesneg yng Nghymru?

Benjiman 26 Awst 2012, 14:45

Cwestiwn teilwng Guto.

Robat Gruffudd 27 Awst 2012, 12:03

Efallai bod canlyniadau gwael Saesneg yn TGAU Cymru ond yn dweud y gwir am safon ein hieithoedd. Fel rhwyun sy’n delio â disgyblion ar ol TGAU – ers blynyddoedd (nid yw hyn yn beth newydd o gwbl) mae safonau Saesneg a Chymraeg yn ddifrifol — y pethau mwyaf sylfaenol er enghraifft: eu gilydd yn lle ei gilydd, to loudly sing, data is, mae yn lle mai, munudau yn lle cofnodion. Mae angen llai o bwyslais ar ysgrifennu creadigol ac emosiynol, a dechrau dysgu rheolau iaith i’n plant.

Colyn 27 Awst 2012, 21:43

Clywch, clywch Robat.

Jac 31 Awst 2012, 02:43

Cytuno gyda Robat Gruffudd. Mae safon Cymraeg nifer o fyfyrwyr wedi dirywio dros y blynyddoedd, er fod llawer ohonyn nhw wedi derbyn graddau da. Mae eu hymadroddion Cymraeg nhw’n Seisnig iawn a’u treigladadau’n drychinebus. A dagrau pethau ydy, mai nhw sy’n cael eu cyflogi i addysgu’r genhedlaeth nesa!

Cwm Rhyd Chwados 2 Medi 2012, 18:10

Ond, ai “data is” neu “data are” sy’n gywir? Fe fydd Word fel arfer yn cywiro “data is” i “data are”, ond a yw hynny’n gywir? Wedi’r cwbl, ond yw data yn golygu casgliad o wybodaeth, ac felly drwy eu casglu ynghyd yna rydych chi’n troi y lluosog mewn i un grwp o wybodaeth? I fi, dyw “data are” yn swnio’n gywir (e.e. “Data are weighted by xx variables…” yn swnio’n drwsgwl, tra fod “Data is weighted by xx variables…”).

Wedi dweud hynny oll, cytunaf gyda Robat o ran dirywiad ieithyddol disgyblion ysgol.

Meg Elis 2 Medi 2012, 21:40

Cytuno Robat. Dwi’n deall cwynion am Gymraeg sal, ond bobol annwyl beth am Saesneg sal pobl sy’n cael miloedd am sgwennu stwff yn Saesneg? Athrawon prifysgol sydd ddim yn gwybod y gwahaniaeth rhwng ‘ its’ ac’ it’s’? Gallwn fynd ymlaen, ond dwi ddim isio torri calonnau pobl. Yn syml – mae Cymru yn cael sbwriel Lloegr am eu bod yn ddigon dwl i feddwl bod unrhyw un sy’n Sais a heb ddim cysylltiad a Chymru yn ddigon da i reoli ein sefydliadau ni. (Gweler byrddau iechyd, prifysgolion, awdurdodau lleol, etc, etc.)Penodwn Gymry (Cyjmraeg neu ddi-Gymraeg) ac wedyn fe allwn ddechrau gweld gwahaniaeth.

Siwan Davies 3 Medi 2012, 08:59

Sut hwyl Guto – Data ‘are’ bob amser. Datum ‘is’. Gall set neu table of data fod yn ‘is’ — prin iawn – os o gwbl – yw unrhyw gyfnodolyn gwyddonol safonol sy’n fodlon derbyn data ‘is’.

Mae’r sylwadau wedi cau.