Fflur Dafydd
Neithiwr cynhaliwyd Oscars y diwydiant cyhoeddi llyfrau yng Nghymru, gyda gwobrau yn cael eu cyflwyno i gyhoeddwyr am werthiant a safon cynhyrchu eu llyfrau Cymraeg a Saesneg.
Enillydd y categori Gwerthwr Gorau Ffuglen oedd nofel Fflur Dafydd, Y Llyfrgell, tra’r llyfr barddoniaeth a dderbyniodd y wobr am y gwerthiant gorau oedd cyfrol o gerddi’r diweddar Arch-dderwydd Dic Jones, Cerddi Dic yr Hendre.
Eleni, am y tro cyntaf, ychwanegwyd gwobrau ar gyfer dylunio a chynhyrchu ym maes cylchgronau Cymraeg a Saesneg, a’r cylchgrawn cerddoriaeth Y Selar a gipiodd y wobr Gymraeg, a Planet y wobr Saesneg.
Mae’r gwobrau’r diwydiant yn cael eu cynnal bob dwy flynedd ac eleni roedd y seremoni’n cyd-fynd â dathliadau hanner can mlwyddiant Cyngor Llyfrau Cymru.
“Mae’r cyhoeddwyr i gyd i’w llongyfarch yn fawr am eu gwaith,” dywedodd Elwyn Jones, Prif Weithredwr y Cyngor Llyfrau. “Roedd sylwadau’r panel beirniaid dylunio yn tystio i’r datblygiad a fu yn y maes pwysig hwn yn ystod y blynyddoedd diwethaf ac mae’r ffaith fod deuddeg o gyhoeddwyr wedi dod i’r brig yn yr amrywiol gategorïau yn arwydd o’r bywiogrwydd ym maes cyhoeddi yng Nghymru yn y ddwy iaith.”
Wrth annerch y gynulleidfa, nododd yr Athro M.Wynn Thomas, Cadeirydd y Cyngor Llyfrau, nad y Cyngor Llyfrau yn unig fu’n dathlu carreg filltir arbennig yn ei hanes yn ddiweddar. Mae Gwasg Gwynedd yn dathlu deugain mlynedd o gyhoeddi, Seren newydd ddathlu deng mlynedd ar hugain o gyhoeddi a Honno, cyhoeddwyr llenyddiaeth menywod Cymru, hefyd yn dathlu chwarter canrif yn y maes. Cyfeiriodd M.Wynn Thomas hefyd at gyfraniad nodedig John Lewis, Gwasg Gomer a ddathlodd ei ben blwydd yn bedwar ugain yn ddiweddar ac sy’n parhau’n weithgar ym musnes y teulu a sefydlwyd gant ac ugain o flynyddoedd yn ôl.
Dyma holl enillwyr y gwobrau cyhoeddi:
Enillwyr Gwobrau Llyfrau Cymraeg
GWERTHWR GORAU FFUGLEN
Cyhoeddwr: Y Lolfa
Y Llyfrgell, Fflur Dafydd
GWERTHWR GORAU BARDDONIAETH
Cyhoeddwr: Gomer
Cerddi Dic yr Hendre, Dic Jones
GWERTHWR GORAU HEB FOD YN FFUGLEN
Cyhoeddwr: Y Lolfa
Yogi – Mewn Deg Eiliad, Bryan Davies
GWERTHWR GORAU PLANT
Cyhoeddwr: CAA
Patagonia, Sioned V. Hughes
LLYFR A FENTHYCIWYD AMLAF O LYFRGELL
Cyhoeddwr: Y Lolfa
Naw Mis, Caryl Lewis
DYLUNIO A CHYNHYRCHU (PLANT)
Cyhoeddwr: Gwynedd
Dwdl-mi-do, Mererid Hopwood a Nan Elis
DYLUNIO A CHYNHYRCHU (OEDOLION)
Cyhoeddwr: Gwasg Prifysgol Cymru
Cerddi Dafydd ap Gwilym, Gol. Amrywiol
LLYFR FFOTOGRAFFIG / CELF
Cyhoeddwr: Gomer
Patagonia – Croesi’r Paith, Matthew Rhys
DYLUNIO A CHYNHYRCHU: CYLCHGRAWN CYMRAEG
Y Selar
Enillwyr Gwobrau Llyfrau Saesneg
GWERTHWR GORAU FFUGLEN
Cyhoeddwr: Gomer
Not Quite White, Simon Thirsk
GWERTHWR GORAU BARDDONIAETH
Cyhoeddwr: Bloodaxe Books
The Water Table, Philip Gross
GWERTHWR GORAU HEB FOD YN FFUGLEN
Cyhoeddwr: Crownhouse Publishing
The Lazy Teacher’s Handbook, Jim Smith
GWERTHWR GORAU PLANT
Cyhoeddwr: Thomas Hamilton
Rhamin, Bryce Thomas
LLYFR A FENTHYCIWYD AMLAF O LYFRGELL
Cyhoeddwr: Accent Press
Black-Eyed Devils, Catrin Collier
DYLUNIO A CHYNHYRCHU (PLANT)
Cyhoeddwr: Pont (Gomer)
When Granny Tells a Story, Fran Evans
DYLUNIO A CHYNHYRCHU (OEDOLION)
Cyhoeddwr: Graffeg
Seashore Safaris, Judith Oakley
LLYFR FFOTOGRAFFIG / CELF
Cyhoeddwr: Gomer
Legend and Landscape of Wales: Tales of Arthur, John K. Bollard
DYLUNIO A CHYNHYRCHU: CYLCHGRAWN SAESNEG
Cyhoeddwr: ‘Berw Cyf.’
Planet
