Dyn yn marw ar ôl cael ei daro gan drên

Mae’r Heddlu wedi cadarnhau fod dyn wedi marw ar ôl cael ei daro gan drên yn agos at orsaf Llangatwg yng Nghastell-nedd Port Talbot.

Fe gafodd swyddogion Heddlu Trafnidiaeth Prydain eu galw i’r digwyddiad heddiw ar ôl i drên daro dyn.

Roedd swyddogion Heddlu Trafnidiaeth Prydain a Heddlu’r De ynghyd a pharafeddygon lleol yn bresennol yn y digwyddiad gafodd ei adrodd i’r Heddlu am tua ugain munud i chwech y bore.

Fe wnaeth y dyn yn ei bedwardegau ddioddef “anafiadau difrifol”.  Cafodd ei gludo i’r ysbyty  ond bu farw’n ddiweddarach.

“Mae’r digwyddiad yn cael ei drin fel un anesboniadwy ar hyn o bryd ac mae swyddogion yn gweithio ar sefydlu enw a manylion y dyn, amgylchiadau ei farwolaeth ynghyd a sut y daeth i fod ar y llinell reilffordd,” meddai Heddlu Trafnidiaeth Prydain.

Fe ddylai unrhyw un a gwybodaeth neu unrhyw un sy’n credu y gallant fod o gymorth i’r heddlu gysylltu gyda Heddlu Trafnidiaeth Prydain  ar 0800 40 50 40 gan ddyfynnu rhif yr achos 62 of 01/12/2011.