“Diolch Abertawe” – yn Gymraeg – oedd neges y band Americanaidd The Killers ar ôl gig yn Stadiwm Liberty yn y ddinas nos Sadwrn.
Fe wnaeth y band o Las Vegas berfformio llu o’u caneuon mawr, gan gynnwys Mr. Brightside, Somebody Told Me a Human, yn ogystal â chaneuon oddi ar eu halbwm diweddaraf, Wonderful Wonderful.
Ar ddiwedd y noson, fe ddiolchodd y band i’r dorf ar eu tudalen Twitter.
Yn y neges, sy’n cynnwys llun y prif leisydd Brandon Flowers ar y llwyfan, dywed y band: “Whose coat’s that jacket? Diolch Abertawe.”
Whose coat’s that jacket? Diolch Abertawe. pic.twitter.com/9NNstLVwJg
— The Killers (@thekillers) June 23, 2018
Yn cefnogi’r band yn Stadiwm Liberty roedd Juanita Stein, prif leisydd The Howling Bells sydd bellach yn perfformio ar ei phen ei hun ac sydd wedi cyd-gyfansoddi â Brandon Flowers.
