Pafiliwn Pinc yr Eisteddfod Genedlaethol yn Wrecsam
Mae’n addo bod yn braf a hafaidd yn ystod wythnos yr Eisteddfod Genedlaethol yn Wrecsam, er bod y dynion tywydd yn rhagweld ambell i gawod.
Yn dilyn mis o dywydd siomedig, mae’r rhagolygon yn addawol ar gyfer yr wythnos i ddod gyda’r tymheredd yn codi i 25 selsiws.
Gall tywydd braf ddenu mwy i fwynhau arlwy’r Eisteddfod Genedlaethol, ac fel arfer mae gwynt a glaw yn golygu llai yn mynychu a’r coffrau’n crebachu.
Ar drothwy’r ŵyl, mi fydd y newyddion bod tywydd braf ar ei ffordd yn galondid i drefnwyr yr Eisteddfod.
Bydd sawl cwr o Ynysoedd Prydain yn mwynhau’r tywydd poeth, ond mae haul hollbrersennol yn annhebygol.
Cynhesach
“Mae’n edrych fel y bydd dydd Sadwrn yma yn braf yn y rhan fwyaf o lefydd, gyda’r tymheredd yn 22C yn ne Lloegr,” meddai Claire Austin o adran dywydd asiantaeth newyddion y Press Association.
“Fe fydd ambell gawod yng Nghymru a de-orllewin Lloegr.
“Nid yw’r tywydd am fod yn sych a sefydlog. Mi fydd yna ryw gymaint o law o gwmpas, ond mae hi am fod yn llawer cynhesach nag y bu yn ddiweddar.”
