Mae heddluoedd Cymru yn bwriadu torri 1,304 o heddweision a staff erbyn 2015, yn ôl adroddiad gan Arolygiaeth Cwnstabliaeth Ei Mawrhydi.
Yn ôl yr adroddiad fe fydd yna 764 yn llai o heddweision yng Nghymru erbyn mis Mawrth 2015 – 10.4% yn llai na’r cyfanswm yn 2010.
Fe fydd yna 540 yn llai o staff a phedwar yn llai o swyddogion cefnogaeth gymunedol.
Mae’r adroddiad yn awgrymu y bydd cwymp o 10% yn nifer y swyddogion yn arwain at gynnydd 3% mewn troseddau.
“Mae yna dystiolaeth weddol gryf ynglŷn ag effaith niferoedd yr heddlu ar droseddau,” meddai’r adroddiad.
Bydd Heddlu Gwent yn colli 167 o heddweision, Heddlu Gogledd Cymru yn colli 207, a Heddlu De Cymru yn colli 395. Ond bydd Heddlu Dyfed Powys yn gweld cynnydd o bum heddwas.
Bydd Dyfed Powys yn colli 165 o’u staff, Heddlu Gwent yn colli 136, Heddlu Gogledd Cymru yn colli 19, a Heddlu De Cymru yn colli 2020.
Heddlu | Nifer y Heddweision yn 2010 | Nifer y Heddweision yn 2015 | Nifer y Staff yn 2010 | Nifer y Staff yn 2015 |
Gogledd Cymru | 1,590 | 1,383 | 921 | 902 |
Dyfed-Powys | 1,195 | 1,200 | 720 | 555 |
De Cymru | 3,148 | 2,753 | 1,810 | 1,590 |
Gwent | 1,437 | 1,270 | 810 | 674 |