‘Llw i bobol Cymru nid i’r Frenhines’

AC yn galw am ddeddf newydd wrth brotestio tros agoriad y Cynulliad

7 Mehefin 2011

Bethan Jenkins (Llun: Plaid Cymru
Mae un o’r ACau sy’n gwrthod mynd i agoriad brenhinol y Cynulliad wedi galw am ddeddf newydd ar gyfer y Cynulliad.

Yn ôl Bethan Jenkins, fe ddylai Cymru ddilyn esiampl Gogledd Iwerddon a chael gwared ar yr angen i ACau dyngu llw o ffyddlondeb i’r Frenhines.

Fe ddywedodd wrth Radio Wales ei bod o blaid tyngu llw o ffyddlondeb i bobol Cymru yn lle hynny.

“Dw i ddim yn credu bod y teulu brenhinol yn cynrychioli’r hyn yr ydw i’n sefyll trosto fel dinesydd Cymreig,” meddai.

Fe alwodd hefyd am drafodaeth agored ar y pwnc wrth iddi hi a thri arall o ACau Plaid Cymru wrthod cymryd rhan yn y seremoni heddiw. Y lleill yw Leanne Wood, Lindsay Whittle a Llyr Huws Gruffydd.

Poblogaidd

Swyddi

Cronfa Gymunedol y Loteri Genedlaethol

Swyddog Ariannu – Canolbarth a Gorllewin Cymru

Prifysgol Bangor

Cyfathrebwr Estyn Allan STEM (40% CALl)

Prifysgol Bangor

Pennaeth y Gwasanaethau Cyfreithiol (Dros Gyfnod Mamolaeth)

Yr Eglwys yng Nghymru

Cyfarwyddwr Astudiaethau Caplaniaeth

Ombwdsmon Cymru

Swyddog Prosiect Ymbweru Bro (ardal Wrecsam)

Menter a Busnes

Tiwtor Cymraeg ar gyfer y Gweithlu Addysg

← Stori flaenorol

Rhyngwladol

Rhybudd am “oblygiadau byd eang” i’r cynhesu yn yr Arctig

Mae Siberia wedi profi tymereddau sydd 10C yn gynhesach eleni na’r hyn a fyddai’n arferol

Stori nesaf →

Cymru

Y Cynulliad am drafod dillad ‘rhywiol’ plant

Aelod Cynulliad eisiau ‘sicrhau fod plant yn cael plentyndod’

Hefyd →

Bwyd a Diod

Mark Flanagan… Ar Blât

Bethan Lloyd

Llysenw’r actor Pobol y Cwm flynyddoedd yn ôl oedd “Free lunch Flanny”

8 sylw

Clywch! Clywch! 7 Mehefin 2011, 16:34

Clywch! Clywch! Syniad gwych gan Bethan Jenkins. Diolch byth fod gennym ACau sydd yn fodlon dweud eu barn ar faterion o’r fath. Gorau’n y Byd po gyntaf i hyn ddigwydd. Nid yw ‘Brenhines Lloegr’ na’i theulu yn golygu unrhywbeth i mi, ac mae nhw’n hollol amherthnasol i’r rhan fwyaf o bobl yng Nghymru (a’r mwyafrif o bobl yr Alban a sawl un yn Lloegr hefyd, i ddweud y gwir).

Pleidiol (a Ffyddlon) wyf i’m Gwlad!

Jones 7 Mehefin 2011, 21:10

Dwi fel Michael Collins ynglyn a hyn; dwiom yn gwneud fy ngwaed i i ferwi. Petai na ddewis fyswn i’n ei wneud i’r bobl. Ond ydwi yn gwylltio am hyn- dim really. Wrth gwrs, os mae Bethan mor flin am hyn- pam neith hi ddim fel mae Sinn Fein yn ei wneud a gwrthod eistedd yn y Cynulliad?

Gyda llaw ar ITV Wales heddiw; nath Daf El ddeud am Cymru o fewn y D.U “…and long may it continue”- beth yw barn Plaid am hyn!!?

CGT 7 Mehefin 2011, 21:57

Dafydd El ydi hwnnw. Mae’r bai yn disgyn ar ysgwyddau ei etholwyr a swyddogion Plaid Cymru yn Sir Feirionnydd.
Achos amlwg o ” If you want Tory , vote Plaid ” . Glywais i rioed neb o Sir Feirionnydd yn cyfiawnhau dewis y Prydeiniwr rhonc yma dro ar ol tro ar ol tro.

??? 7 Mehefin 2011, 22:19

Gwych mwy o lol gan Blaid Cymru! Sdim byd well ’da’r fenyw hon wneud, heb law am malu awyr am bethau arwynebol? Ydy’i phasbort hi’n dweud ‘Dinesydd Cymreig?’ Na, wrth gwrs dydy e ddim.
Beth am gael llw i’r Frenhines ac i Gymru? Sdim rhaid i ni fod mor “militant” am y peth. Ond dyna Blaid Cymru i chi.

Fon Gruffydd 7 Mehefin 2011, 23:06

Brysied y dydd, Bethan! A brysied y dydd y cawn ni senedd annibynnol i wasanaethu gweriniaeth Gymreig rydd.

Rhys Gethin 8 Mehefin 2011, 01:30

Dylid cymryd sylwadau “Prydeinig” Dafydd El gyda phinsiad bychan o halen. Mae ’na lawer o rwtsh wedi’i ddweud amdano yn ddiweddar mewn sylwadau ar Golwg 360. Os yw’r boi yn gymaint o Dori ag y mynno rhai ohonoch, pam nad ydyw wedi hen adael y Blaid? Mawr gredaf y daw dydd y byddwn yn edrych yn ôl ar ei yrfa mewn edmygedd. Y mae’n “playing a blinder” – cymaint felly fel nad yw ei gydwladwyr yn sylweddoli.

CGT 8 Mehefin 2011, 07:11

Ia-yr wyf innau’n gofyn pam nad yw DET ( a minnau, o ran hnny) wedi hen adael y Blaid. Dirgelwch mawr. Cymrwch gormod o halen , a mi wnewch chi dagu.

Rhys Gethin 8 Mehefin 2011, 16:12

DET yw un o’r unig rai sy’n sylweddoli mai nid o’r tu allan y mae newid y drefn o reidrwydd. Mae’n ddigon clyfar i ddeall pa blaid y mae ei syniadaeth wleidyddol yn gweddu iddi, a dyrchafodd statws y Blaid gymaint â nemor neb arall yn y blynyddoedd diwethaf. Fel y mae nifer o sylwadau diweddar ar Golwg 360 wedi nodi, gellid dadansoddi gweithredoedd y Blaid fel rhai plentynnaidd os cymerwch safbwynt arall. Mae angen chydig bach o “gravitas” arnom ni.

Mae’r sylwadau wedi cau.