Mae’r heddlu’n apelio am wybodaeth wedi i ddyn 32 oed gael ei arestio yn dilyn ymosodiad â chyllell ar ddyn 25 oed ym Mae Caerdydd nos Wener.
Digwyddodd yr ymosodiad am oddeutu 7 o’r gloch nos Wener ger bwyty Miller and Carter.
Cafodd y dyn anafiadau i’w arddwrn, ac fe gafodd ei gludo i Ysbyty Athrofaol Caerdydd am driniaeth.
Cafodd y dyn 32 oed ei arestio yn y fan a’r lle.
Dylai unrhyw un a welodd y digwyddiad ffonio Heddlu’r De ar 101.
