Kirsty Williams
Mae’n bryd i Gymru gael plaid sy’n cofleidio busnes, sy’n deall busnes ac sy’n cefnogi pobl sydd ag uchelgais a syniadau.
Dyna fydd neges arweinydd y Democratiaid Rhyddfrydol yng Nghymru, Kirsty Williams wrth iddi amlinellu ei maniffesto ar gyfer etholiadau’r Cynulliad yng nghynhadledd y blaid heddiw.
Bydd Kirsty Williams yn annerch cynhadledd y Democratiaid Rhyddfrydol yn Bournemouth y prynhawn ‘ma.
Mae disgwyl iddi gyhoeddi cynlluniau i ddiddymu cyfraddau busnesau ar offer peirianyddol er mwyn hybu’r diwydiant gweithgynhyrchu.
Bydd hefyd yn cyhoeddi cynlluniau i alluogi awdurdodau lleol i osod cyfraddau busnes i adlewyrchu anghenion lleol.
Mae disgwyl hefyd am gyhoeddiad i roi cymorth i fusnesau bach a chreu Gweinyddiaeth Fusnesau Bach, fel rhan o Fanc Datblygu Cymreig.
“Bydd Cymru ar agor am fusnes gyda’r Democratiaid Rhyddfrydol Cymreig mewn grym,” meddai Kirsty Williams AC.
‘Gweledigaeth’
Meddai: “Mae Cymru’n galw am lywodraeth sy’n cyfuno tegwch ag agenda sydd o blaid busnesau. Dyw Llafur ddim yn cynnig hynny.
“Mae angen gweledigaeth ar Gymru, y syniadau a’r dyhead i helpu i symud ein heconomi
“O dan y Democratiaid Rhyddfrydol Cymreig, bydd Cymru’n gystadleuol unwaith eto.”