Mae’r heddlu fu’n chwilio am ddyn 87 oed oedd ar goll wedi dod o hyd i gorff.
Roedd teulu Richard Davies o Lyn Nedd wedi cysylltu â Heddlu’r De ddydd Mercher diwethaf i ddweud ei fod ar goll.
Cafodd ei weld y tro diwethaf yn Stryd Newydd, Glyn Nedd am 8.30yb ar ddydd Mercher.
Dywedodd yr heddlu heddiw eu bod nhw wedi dod o hyd i gorff ym Mhenrhiw, Glyn Nedd a, 9.45yb ddydd Sadwrn.
Nid yw’r corff wedi cael ei adnabod yn ffurfiol hyd yn hyn ond mae’r heddlu wedi cysylltu â theulu Richard Davies.
Mae’r farwolaeth yn cael ei thrin fel un anesboniadwy ar hyn o bryd, meddai llefarydd ar ran yr heddlu.
