Mils Muliaina
Mae un o gyn-chwaraewyr rygbi Seland Newydd wedi ei gyhuddo o ymosod yn rhywiol ar ddynes 19 oed yng Nghaerdydd tra ar noson allan yn dilyn gornest rygbi.
Y disgwyl yw y bydd Mils Muliaina yn ymddangos ger bron Llys Ynadon Caerdydd ar Awst y seithfed.
Cyn ymddeol o’r llwyfan rhyngwladol yn 2011 fe chwaraeodd y Kiwi 100 o weithiau i’w wlad.
Ers hynny mae wedi bod yn chwarae i ranbarth Connacht yn Iwerddon.
Y tymor nesaf bydd cyn-gapten 34 oed Seland Newydd yn symud i’r Eidal i chwarae i glwb Zebre.
Yn ôl y New Zeland Herald mae Muliaina yn gwadu iddo wneud unrhyw beth o’i le ac mae’n bwriadu pledio’n ddieuog.
