Gallai ffeinal Cynghrair y Pencampwyr gael ei chynnal yng Nghaerdydd yn 2017, yn ôl adroddiadau.
Mae lle i gredu bod Cymdeithas Bêl-droed Cymru’n paratoi cais i ddenu’r ornest fawr i Stadiwm y Mileniwm ymhen dwy flynedd.
Daw’r newyddion diweddaraf yn dilyn siom Cymru wrth fethu denu Ewro 2020 i Gaerdydd.
Ond mae nifer o gemau mawr – gan gynnwys ffeinal y Super Cup – wedi rhoi’r cyfle i’r brifddinas brofi y gall gynnal gemau mwyaf Ewrop.
Fe fu pryderon yn y gorffennol am is-adeiledd y brifddinas, gan gynnwys ei gwestai a’i chyfleusterau lletygarwch.
Mae disgwyl cadarnhad ddydd Llun nesaf, Mehefin 29, ynghylch pwy fydd yn cynnal yr ornest.