Jean Hywel Williams
Mae teyrngedau wedi cael eu rhoi i’r athrawes gerdd a chyfeilyddes Jean Hywel Williams o Lanelli fu farw mewn damwain car nos Sadwrn.
Digwyddodd y ddamwain wrth iddi hi a’i gwr John Hywel Williams yrru adref o wasanaeth Diwrnod VE yn Eglwys Sant Elli. Roedd Jean Hywel Williams yn sedd y teithiwr a bu hi farw yn y fan a’r lle.
Mae ei gwr yn cael triniaeth yn Ysbyty Glangwili yng Nghaerfyrddin.
Wedi gyrfa ryngwladol fel pianydd, roedd Jean Hywel Williams yn parhau i fod yn weithgar iawn ym myd cerddoriaeth ac yn cynorthwyo i ddysgu Côr Merched a Chôr Bechgyn Hywel a Chymdeithas Corau Llanelli.
Rhoddodd y darlledwr Gary Owen deyrnged iddi gan ddweud ei bod yn “bianydd dawnus eithriadol”.
Gofynnir i unrhyw un sydd â gwybodaeth am y ddamwain i gysylltu â Heddlu Dyfed Powys ar 101.
