Digwyddiad “amheus” peiriant twll yn y wal Cathays

Llun teledu cylch-cyfyng - pwy yw'r dyn ar y chwith?
Mae’r heddlu wedi rhyddhau llun teledu cylch-cyfyng o ddyn y maen nhw’n awyddus i siarad ag e mewn cysylltiad â digwyddiad amheus yn ardal Cathays, Caerdydd.

Y mis diwetha’, fe gysylltodd dyn 20 oed gyda’r heddlu i ddweud fod ei gerdyn banc wedi’i ddwyn, a bod arian wedi ei gymryd o’i gyfri’ yng nghanol Caerdydd.

Mae llun CCTV yn ei ddangos ef ger peiriant twll yn y wal yn Cathays yn ystod oriau mân dydd Mercher, Hydref 2, yng nghwmni dyn arall.

Mae ditectifs yn ceisio dod o hyd i bwy ydi’r dyn barfog, ar y chwith yn y llun.

Dylai unrhyw un sy’n nabod y dyn, neu’n gwybod unrhyw beth amdano, gysylltu â CID Caerdydd ar 02920 527 420.