Y cês llawn lluniau
Mae Heddlu De Cymru yn apelio am help y cyhoedd, wrth iddyn nhw geisio dod o hyd i berchennog cês dillad yn cynnwys nifer o hen luniau teuluol.
Fe gafodd y cês ei roi i blismones ategol yn Llaneirwg Caerdydd, wedi iddo gael ei ganfod ar y darn o wellt glas ger Gerddi Willowbrook a Crumlin Drive.
Mae’r cês yn cynnwys nifer o hen luniau teuluol a ffotograffau milwrol, ynghyd â nifer o ddogfennau personol.
Dylai unrhyw un sy’n nabod y cês neu’r dogfennau, ffonio’r heddlu ar y rhif 101.
