Llun teledu cylch-cyfyng o ladron siop Coral, Grangetown
Mae ditectifs sy’n chwilio am ladron siop bwci yn Grangeton, Caerdydd, ddydd Sadwrn, wedi rhyddhau lluniau teledu cylch-cyfyng o’r ddau ddyn y maen nhw’n awyddus i siarad â nhw.
Fe ddaeth un dyn ac un ddynes i mewn i siop Coral Bookmakers tua 9yh ddydd Sadwrn, a hawlio arian gan ddwy ddynes oedd y tu ôl i’r cownter.
Roedd y ddau’n cario cyllell yr un, ac fe lwyddon nhw i adael y siop gyda £100.
Roedd y ddynes yn gwisgo top llewys hir, coch, a chap balaclafa du, ac roedd hi’n siarad ag acen leol.
Roedd yr ail leidr hefyd yn siarad ag acen Caerdydd, ac yn gwisgo top hwdi glas a masg i guddio’i wyneb.
Gall unrhyw un sydd â gwybodaeth am y digwyddiad gysylltu â CID Y Tyllgoed ar y rhif 02920 571 542, neu ffonio Taclo’r Tacle 0800 555 111.
