Kevin Wolfe
Mae’r heddlu wedi cyhoeddi enw’r dyn fu farw mewn damwain angheuol yng Nghwm Ogwr, Pen-y-bont ar Ogwr dros y Sul.
Bu farw Kevin Wolfe, 47 oed, ar ôl i’w gar Ford Focus daro yn erbyn siop yn Heol Walters am 2yb fore Sul, 29 Medi.
Roedd Kevin Wolfe yn dad i bedwar o blant ac yn dod o’r ardal.
Mewn teyrnged iddo, dywedodd ei deulu bod Cwm Ogwr “wedi colli un o’i gymeriadau.”
Mae Heddlu De Cymru yn awyddus i holi gyrrwr tacsi ac unrhyw un oedd yn teithio ynddo a gafodd ei weld yn teithio y tu ôl i’r Ford Focus glas a Vauxhall Zafira glas.
Maen nhw’n dweud y gallen nhw fod a gwybodaeth sy’n hynod bwysig i’w hymchwiliad.
Dylai unrhyw un sydd â gwybodaeth ffonio’r Heddlu ar 101 neu Taclo’r Tacle ar 0800 555 111.
