Dona LewisGobaith Dirprwy Brif Weithredwr y Ganolfan Ddysgu Cymraeg Cenedlaethol yw cyflwyno rhywfaint o’r iaith i chwaraewyr pêl-droed Cymru, fel eu bod yn gallu dangos i “bobol ifanc a chynulleidfaoedd gwahanol bod y Gymraeg yn cael ei defnyddio drwyddi draw”.
Mae partneriaeth newydd gyda Chymdeithas Bêl-droed Cymru’n golygu bod Dona Lewis a’i thîm wrthi’n datblygu rhaglen dysgu Cymraeg i’r gweithlu, y pêl-droedwyr a chefnogwyr ar lawr gwlad.
Wythnos am ddim! Rhowch gynnig ar danysgrifiad digidol Golwg+ i ddarllen cylchgrawn Golwg arlein, gyda’r saith diwrnod cyntaf yn rhad ac am ddim.
Roedd hi’n ddiddorol darllen am fwriad Ms Lewis i gyflwyno’r Gymraeg i bêl-droedwyr a chefnogwyr pêl-droed.
Efallai bydd hi’n syndod iddi sylweddoli bod pêl-droedwyr a chefnogwyr pêl-droed yn dysgu’r iaith gyda chymorth y cwrs Cymraeg ar Duolingo ers 2016. Mae’n rhyfedd nad ydy Ms Lewis wedi sylwi ar yr uned Chwaraeon yn Duolingo, gan gynnwys geirfa pêl-droed, gan bod y Ganolfan Ddysgu Cymraeg yn talu miloedd o bunnoedd bob blwyddyn i’r cwmni Duolingo er mwyn cynnal y cwrs ar ei blatform.
Mae cefnogwyr tîm pêl-droed Cymru’n mwynhau’r cwrs Cymraeg ar Duolingo cymaint maen nhw’n gwisgo crys-T arbennig wedi seilio ar un o gymeriadau’r cwrs, gweler fewales.cymru.
Mae Ms Lewis yn sôn am ei bwriad i ddysgu’r anthem ac ‘Yma o Hyd’ i gefnogwyr. Ydy hyn yn golygu bod ‘Tardis’ gyda’r Ganolfan Ddysgu fel eu bod nhw’n gallu dysgu’r dwy gân i gefnogwyr degawd neu ddau yn ôl. O dystiolaeth y degawd diwetha mae cefnogwyr pêl-droed yng Nghymru wedi llwyddo i ddysgu’r dwy gân yma’n effeithiol iawn heb ymyrraeth Ms Lewis â’i chanolfan.
Mae’r ‘partneriaeth’ gyda’r cwmni Americanaidd Duolingo yn un mae Ms Lewis wedi chwarae rhan mewn ei greu. Mae dwy elfen diddorol am y ‘partneriaeth’ yma. Yn gynta mae tri iaith geltaidd gyda chyrsiau ar y platform, Gwyddeleg, Gaeleg yr Alban a’r Gymraeg. Mae Duolingo ei hunan yn talu cyflogau cyfrannwyr at y ddau gwrs cynta ond rhywsut mae rhaid i drethdalwyr Cymru dalu am y cwrs Cymraeg. Yr ail elfen ydy cyn lleied o werth mae’r cwmni Duolingo yn gweld yn y ‘partneriaeth’. Roedd Louis Von Ahn, sylfaenydd Duolingo, yn y Deyrnas Unedig pythefnos yn ôl. Roedd llawer gyda fe i ddweud am ddysgu ieithoedd gan gynnwys rhoi canmoliaeth i lwyddiant y cyrsiau Cymraeg a Gaeleg yr Alban ond yn rhyfedd iawn doedd dim sôn yn ei gyfweliadau am ‘bartneriaeth’ gyda’r Ganolfan Ddysgu Cymraeg.
Mae Ms Lewis yn dweud bod meddwl am ddatblygiadau newydd yn gallu bod yn heriol. Mae’n amlwg felly bod y newid yn fformat y cwrs Cymraeg ar Duolingo wedi profi’n llawer rhy heriol iddi hi. Fel arall sut mae’n bosibl deall y Ganolfan Ddysgu Cymraeg yn gwastraffu miloedd o bunnoedd yn argraffu cwrslyfrau sy’n amhosibl i ddefnyddio gyda’r cwrs Cymraeg ar Duolingo. Fel arall sut mae’n bosibl deall y Ganolfan Ddysgu Cymraeg yn methu ebostio’r datrysiad i’r sefyllfa yma, a roddywd iddyn nhw gan wirfoddolwyr deufis wedyn, at diwtoriaid a dysgwyr.
Efallai mae diffygion mewn cyrsiau technoleg gwybodaeth y Ganolfan.
