Simon Easterby
Mi fydd hyfforddwr y Scarlets yn gwylio fideo o’r cardiau coch ddangosodd Nigel Owens i Rob McCusker a Gareth Owen yn erbyn y Gweilch echddoe, cyn penderfynu a oes sail i apelio’n erbyn y ddau ddyfarniad.
Bu i’r Scarlets orffen y gêm, pan gawson nhw sgwrfa dda o 32 pwynt i dri, gyda dim ond 12 o ddynion ar y cae.
Ar ben y ddau gerdyn coch, fe dreuliodd George Earle, Tavis Knoyle ac Aled Thomas gyfnodau yn y cell callio.
“Fyddwn i ddim am ddweud gormod ar hyn o bryd, rhag i mi gael fy hun i drwbwl,” meddai Easterby.
“Ond mi fyddwn ni’n edrych eto ar yr hyn ddigwyddodd.”
Daeth 19,744 i’r Liberty i weld yr ornest unochrog.
