Gethin Jenkins
Mae un Cymro ac un o’r Scarlets ar restr hir chwaraewr clwb gorau Ewrop 2012.
Mae Gethin Jenkins o’r Gleision a Ben Morgan o’r Scarlets wedi cael eu cynnwys ar restr o bymtheg o chwaraewyr, sy’n seiliedig ar eu perfformiadau yng Nghwpan Heineken Ewrop a Chwpan Amlin.
Ar ôl rownd gyn-derfynol cwpanau Ewrop bydd y rhestr yn cael ei thorri i bump gan banel o ddewiswyr, sy’n cynnwys cyn-faswr Lloegr Stuart Barnes a Raphael Ibanez o Ffrainc.
Bydd enw’r enillydd terfynol yn cael ei gyhoeddi ar ôl y ddwy ffeinal Ewropeaidd ar 18 ac 19 Mai.
Dwy gêm fawr
Mae gêm fawr gan y Gleision nos Sadwrn yn rownd go-gynderfynol y Cwpan Heineken, yn erbyn Leinster, a byddan nhw’n gobeithio bod Gethin Jenkins yn ffit i chwarae gan ei fod e wedi cyfrannu’n fawr i ymgyrch y rhanbarth yn y cwpan eleni.
Bydd Ben Morgan yn cael prawf ffitrwydd hwyr ddydd Iau cyn i’r Sgarlets deithio i dde Ffrainc ddydd Sul i gwrdd â Brive yng Nghwpan Amlin.
Mae prif hyfforddwr y Sgarlets yn edrych ymlaen at yr achlysur: “R’yn ni’n gwybod fod clybiau Ffrainc yn llefydd bywiog i chwarae pan fydd y dorf yn dechrau mynd i hwyl, ond r’yn ni wedi chwarae’n dda oddi cartref eleni a mae da ni gefnogaeth deithiol dda yn y gêmau mawr oddi cartref ”, meddai Nigel Davies.
