Mike Ruddock
Mae cyn hyfforddwr Cymru Mike Ruddock a arweiniodd Cymru i Gamp Lawn yn 2005, yn rhagwled y bydd Cymru’n drech na’r Ffrancwyr ddydd Sadwrn.
‘‘Rwyf yn disgwyl i Gymru ennill, mae ganddynt y gallu i fod y tîm gorau ym Mhencampwriaeth y Chwe Gwlad,’’ dywedodd Mike Ruddock, hyfforddwr tîm rygbi Iwerddon dan 20 oed.
Bydd Cymru yn croesawu Les Blues i Stadiwm y Mileniwm ddydd Sadwrn mewn gobaith o gipio’r Gamp Lawn ac efallai dial am y gêm ddiwethaf yn rownd gyn derfynol Cwpan y Byd ym mharc Eden yn Seland Newydd.
Collodd Cymru 9-8 yn erbyn Ffrainc, ar ôl i Gapten Cymru gael ei wahardd o’r cae oherwydd tacl beryglus ar asgellwr Ffrainc Vincent Clerc.
Hefyd mae cyn Gapten Cymru Michael Owen, a wnaeth 41 o ymddangosiadau rhyngwladol i Gymru, yn gweld y bydd Cymru yn gryfach na Ffrainc ar y diwrnod.
‘‘Dwi ddim yn gallu gweld Cymru’n colli’r gêm yma. Mae’r tîm wedi gweithio mor galed i gyrraedd y pwynt yma, ac yn bersonol rwyf yn meddwl y byddant yn rhy dda i Ffrainc,’’ meddai Michael Owen.
Ennillodd Warren Gatland ei gamp lawn gyntaf gyda Cymru yn 2008.
Dim ond John Dawes ar hyn o bryd sydd wedi cipio’r Gamp Lawn ddwywaith yn y blynyddoedd 1976 a 1978.
‘‘Dechreuodd Cymru ei ymgyrch yng nghystadleuaeth y Chwe Gwlad heb chwaraewyr fel Alun Wyn Jones, Matthew Rees a Gethin Jenkins oherwydd nad oeddynt yn barod i chwarae. Hefyd, gan gofio bod Shane Williams wedi ymddeol roedd yna rhywfaint o waith i wneud. Mae Cymru wedi creu argraff arbennig ar bawb,’’ meddai Ruddock.
