Shaun Edwards yn ymwybodol o fygythiad Cheslin Kolbe

Mae hyfforddwr amddiffyn Cymru Shaun Edwards wedi dweud fod Cymru yn ymwybodol o’r bygythiad mae asgellwr De Affrig Cheslin Kolbe yn gynrychioli.

Daw hyn wrth edrych iddo ymlaen i gêm y ddau dîm yn rownd gyn-derfynol Cwpan y Byd ddydd Sul (Hydref 27).

Mae’r asgellwr wedi sgorio saith cais yn ei 13 gêm brawf diwethaf.

“Os rwyt ti eisiau gweld gêm o rygbi, rwyt ti eisiau mynd i weld Cheslin Kolbe,” meddai Shaun Edwards.

“Mi fydd yn rhaid i ni gadw llygaid arno. Mae o’n un o’r chwaraewyr mwyaf deinamig dwi erioed wedi ei weld.”