Connacht 26–15 Gweilch
Colli fu hanes y Gweilch wrth iddynt deithio i Faes Chwarae Galway i wynebu Connacht yn y Guinness Pro14 nos Wener.
Cicio cywir Craig Donaldson a oedd y gwahaniaeth rhwng y ddau dîm mewn gêm eithaf agos.
Roedd cais yr un i’r ddau dîm yn yr hanner cyntaf wrth i Dafydd Howells groesi i’r Gweilch cyn i Eoghan Masterson sgorio i’r Gwyddelod gyda symudiad olaf yr hanner.
Sgoriodd y timau gais yr un eto yn yr ail hanner wrth i Thomas Farrell groesi i Connacht a Reuben Morgan-Williams i’r Gweilch mewn cyfnod o dri munud yn hwyr yn y gêm.
Ond y pwyntiau o droed y maswyr a oedd y gwahaniaeth yn y diwedd, llwyddodd Donaldson gyda dau drosiad a phedair cic gosb, yn erbyn un trosiad ac un gic gosb Sam Davies, 26-15 y sgôr terfynol o blaid y tîm cartref.
Mae’r canlyniad yn gadael y Gweilch yn chweched yn nhabl cyngres A y Pro14.
.
Connacht
Ceisiau: Eoghan Masterson 40’, Thomas Farrell 69’
Trosiadau: Craig Ronaldson 40’ 70’
Ciciau Cosb: Craig Ronaldson 10’, 24’, 54’, 76’
.
Gweilch
Ceisiau: Dafydd Howells 20’, Reuben Morgan-Williams 72’
Trosiad: Sam Davies 73’
Cic Gosb: Sam Davies 63’
Cerdyn Melyn: Hanno Dirksen 53’
