Mae Jordan James wedi dweud mai mater o amser yw hi nes y bydd y Crusaders yn ennill unwaith eto.
Collodd y clwb o Wrecsam ym munud olaf y gêm yn erbyn Salford City Reds nos Wener ddiwethaf, yn dilyn canlyniad tebyg yn erbyn y Leeds Rhinos yr wythnos cynt.
Mae rhai penderfyniadau dadleuol wedi mynd yn erbyn y Crusaders yn ddiweddar ac mae James yn credu bod angen ychydig o lwc ar y tîm.
“Roedd pawb mor siomedig ar y chwiban olaf yn erbyn Salford,” meddai Jordan James.
“Mae’r bois yn ymdrechu’n galed ac mae pawb yn gallu gweld yr ymroddiad sydd yno. Ond mae’n rhaid i ni gadw i fynd a gobeithio y bydd y canlyniadau yn gwella.”
Dim ond 16 chwaraewr holliach oedd gan y Crusaders ar gyfer y gêm yn erbyn Salford, ond dywedodd James nad oedd yw hynny’n esgus.
“Byddai mainc o eilyddion wedi bod yn help ond dw i ddim yn credu fod hynny wedi effeithio ar y perfformiad.”
