Dreigiau Casnewydd Gwent 19–12 Treviso
Nic Cudd sgoriodd unig gais y gêm wrth i’r Dreigiau drechu Treviso yn y Guinness Pro12 ar Rodney Parade nos Wener.
Ciciodd Jason Tovey weddill y pwyntiau wrth i’r Cymry guro’r ymwelwyr o’r Eidal mewn gêm agos.
Cyfnewidiodd Tovey a Jayden Hayward gic gosb gynnar yr un, cyn i Cudd groesi am y cais cyntaf wedi 23 munud, y blaenasgellwr yn tirio wedi sgarmes symudol effeithiol.
Llwyddodd Tovey gyda’r trosiad cyn ychwanegu cic gosb i roi ei dîm ddeg pwynt ar y blaen.
Ciciodd Hayward dri phwynt arall i’r ymwelwyr cyn yr egwyl, cyn cau’r bwlch i bedwar pwynt gyda chic lwyddiannus arall ar ddechrau’r ail gyfnod.
Fe wnaeth Hayward ychwanegu pedwaredd ond llwyddodd Tovey gyda dwy i’r Dreigiau hefyd a daliodd y tîm cartref eu gafael ar y fuddugoliaeth.
.
Dreigiau
Cais: Nic Cudd 23’
Trosiad: Jason Tovey 23’
Ciciau Cosb: Jason Tovey 2’, 28’, 44’, 59’
Cerdyn Melyn: Rhys Buckley 61’
.
Treviso
Ciciau Cosb: Jayden Hayward 12’, 30’, 41’, 47’
