Canmoliaeth i’r Dreigiau

Lyn Jones
Wedi dechreuad arbennig i’r tymor, mae rheolwr amddiffyn Cymru, Shaun Edwards wedi canmol y Dreigiau.

‘‘Bydd chwarae yn erbyn y Dreigiau yn anodd y tymor hwn, ac mae’n braf gweld hynny.  Cyn gynted ag y gwelais i Lyn Jones wrth y llyw yn rheoli’r Dreigiau, roeddwn yn gwybod y byddai’r Dreigiau yn gwella,’’ meddai Edwards.

Dim ond chwe gêm enillodd y Dreigiau’r tymor diwethaf, ond cyn belled mae’r Dreigiau wedi ennill dwy gêm gan eistedd yn y pedwerydd safle.

‘‘Mae pob tîm sydd wedi bod dan reolaeth Lyn wedi ymateb yn dda iddo.  Mae gen i lawer o barch tuag ato ac mae’r timau y mae Lyn wedi hyfforddi wedi gwella dan ei arweiniad,’’ ychwanegodd Edwards.