Alun Wyn Jones yn y canol yn morio canu
Y clo rhyngwladol Alun Wyn Jones fydd capten y Gweilch pan fyddan nhw yn herio Munster heno.
Daeth Jones ymlaen fel eilydd i Gymru yn y fuddugoliaeth yn erbyn Yr Eidal y penwythnos diwethaf.
Cafodd ei ryddhau o garfan Cymru ar gyfer y gêm bwysig hon yng nghystadleuaeth y RaboDirect Pro12.
Ar hyn o bryd mae’r Gweilch yn y pedwerydd safle. O ennill gyda phwynt bonws fe allai Munster, sydd yn y chweched safle, ddod o fewn pwynt iddyn nhw.
Mae’r canolwr rhyngwladol Ashley Beck yn dechrau’r gêm yn y canol. Daeth Beck i’r cae fel eilydd yn erbyn Caeredin nos Wener ddiwethaf ar ôl gwella o anaf i’w bigwrn.
Bydd y gêm yn fyw ar S4C heno am 6:30 y.h.
Tîm y Gweilch
Olwyr – Richard Fussell, Tom Habberfield, Jonathan Spratt, Ashley Beck, Tom Isaacs, Matthew Morgan a Kahn Fotuali’i.
Blaenwyr – Duncan Jones, Scott Baldwin, Cai Griffiths, Alun Wyn Jones (Capten), Lloyd Peers, James King, Sam Lewis a Jonathan Thomas.
Eilyddion – Matthew Dwyer, Marc Thomas, Dmitri Arhip, Ian Gough, Dan Baker, Arthur Ellis/Sam Davies, Rhys Webb a Tom Grabham.
