Joe Allen
Chwaraewr Lerpwl, Joe Allen, yw Chwaraewr Pêl-droed y Flwyddyn yng Nghymru.
Fe gafodd y Cymro Cymraeg o Sir Benfro ei goroni mewn cinio yn Amgueddfa Cymru neithiwr – flwyddyn ar ôl iddo ennill teitl Chwaraewr Ifanc y flwyddyn.
Ef a gafodd ei ddewis yn chwaraewr clwb y flwyddyn hefyd ar gyfer y cyfnod o fis Hydref y llynedd.
Mae hi wedi bod yn flwyddyn fawr iddo ef mewn sawl ffordd, gan gynnwys symud o Abertawe i Lerpwl a dod yn rhan canolog o dîm rhyngwladol Cymru.
Roedd canmoliaeth iddo neithiwr gan reolwr Cymru, Chris Coleman – roedd y Cymro bach yn dalentog a gwylaidd, meddai.
