Mae brwydr tîm pêl-droed Abertawe i aros yn Uwch Gynghrair Lloegr am dymor arall yn parhau heddiw, wrth iddyn nhw groesawu Everton – a nifer o wynebau cyfarwydd – i Stadiwm Liberty (3 o’r gloch).
Yng ngharfan yr ymwelwyr mae’r cyn-gapten Ashley Williams, ond mae’r cyn-ymosodwr Gylfi Sigurdsson allan.
Mae’r Elyrch yn bymthegfed yn y tabl, bedwar pwynt uwchlaw’r safleoedd disgyn ac fe fyddan nhw’n gobeithio dial am y golled o 3-1 ar Barc Goodison ym mis Rhagfyr, pan oedd eu cyn-ymosodwr Gylfi Sigurdsson ymhlith y sgorwyr.
Gemau’r gorffennol
Mae gan yr Elyrch record dda yn erbyn Everton dros y blynyddoedd diwethaf, ac maen nhw wedi cael tair buddugoliaeth a thair gêm gyfartal yn eu wyth gêm flaenorol.
Dydy’r Elyrch ddim wedi chwarae’r un gêm gynghrair yn Stadiwm Liberty ers chwe wythnos, ond byddan nhw’n gobeithio y bydd chwarae ar eu tomen eu hunain yn cynnig mantais sylweddol iddyn nhw wrth iddyn nhw barhau i frwydro yn erbyn y gwymp.
Ar ôl curo West Ham o 4-1 chwe wythnos yn ôl, byddan nhw’n mynd am bumed buddugoliaeth o’r bron yn Stadiwm Liberty heddiw – record sydd heb ei hefelychu ganddyn nhw ers 1981-82 pan oedden nhw’n cael eu rheoli gan John Toshack yn ystod cyfnod euraid.
Y timau
Mae Jordan Ayew ar gael unwaith eto i’r Elyrch ar ôl i’w waharddiad o dair gêm ddod i ben.
Fe yw prif sgoriwr yr Elyrch y tymor hwn gyda 10 gôl, ac mae’n cael ei ystyried yn allweddol i obeithion tîm Carlos Carvalhal o oroesi.
‘Popeth i frwydro ar ei gyfer’
Dywedodd yr ymosodwr Tammy Abraham: “Mae gyda ni bopeth i frwydro ar ei gyfer. Ry’n ni’n chwarae’n llawn hyder ar hyn o bryd a rhaid i ni barhau i edrych ymlaen, ac nid yn ôl.”
Ystadegau
Dim ond unwaith mae Abertawe wedi colli yn eu wyth gêm ddiwethaf yn erbyn Everton, gan ennill tair ohonyn nhw.
Roedden nhw’n fuddugol ddiwedd y tymor diwethaf wrth i Fernando Llorente rwydo.
