Bristol City 2–3 Caerdydd
Cafodd Caerdydd fuddugoliaeth ddramatig wrth iddynt ymweld ag Ashton Gate i herio Bristol City yn y Bencampwriaeth amser cinio ddydd Sadwrn.
Cipiodd gôl hwyr Anthony Pilkington y tri phwynt i’r Adar Gleision er iddynt fod ar ei hôl hi ddwy waith yn y gêm.
Wedi hanner cyntaf di sgôr fe aeth y tîm cartref ar y blaen yn gynnar yn yr ail hanner pan darodd ergyd Joe Bryan y trawst cyn gwyro i gefn y rhwyd oddi ar gôl-geidwad Caerdydd, Brian Murphy.
Roedd y Cymry’n gyfartal gydag ychydig dros chwarter awr i fynd diolch i gic o’r smotyn Anthony Pilkington yn dilyn trosedd Mark Little ar Joe Ralls.
Roedd Bristol City yn ôl ar y blaen ychydig funudau’n ddiweddarach wedi gôl Tammy Abraham ond yn ôl y daeth yr Adar Gleision drachefn.
Unionodd Kadeem Harris y sgôr cyn i Pilkington ei hennill hi gydag ergyd wych o bellter bum munud o ddiwedd y naw deg.
Mae’r canlyniad yn codi Caerdydd i’r ail safle ar bymtheg yn nhabl y Bencampwriaeth.
.
Bristol City
Tîm: Fielding, Hegeler, Flint, Wright, Little, Brownhill (Paterson 87’), Pack, Bryan, O’Dowda (Tomlin 87’), Djuric (Wilbraham 83’), Abraham
Goliau: Murphy [g.e.h.] 51’, Abraham 78’
Cerdyn Melyn: Little 90’
.
Caerdydd
Tîm: Murphy, Peltier, Connolly, Morrison, Bamba, Bennett (Harris 69’), Wittingham (Hoilett 69’), Gunnarsson, Ralls, Pilkington (Halford 88’), Zohore
Goliau: Pilkington [c.o.s.] 74’, 85’, Harris 82’
Cardiau Melyn: Bamba 35’, Wittingham 62’
.
Torf: 19,452