Hull 2–0 Abertawe 
Mae Abertawe allan o’r Cwpan FA ar ôl colli o ddwy gôl i ddim oddi cartref yn Hull yn y drydedd rownd brynhawn Sadwrn.
Roedd dwy gôl hwyr i’r eilyddion, Abel Hernandez a Josh Tymon, yn ddigon i’r tîm cartref yn Stadiwm KCOM.
Wedi hanner cyntaf di sgôr bu rhaid aros tan ddeuddeg munud o ddiwedd y naw deg am y gôl agoriadol. Hernandez a gafodd honno yn dilyn gwaith creu da Robert Snodgrass a Shaun Maloney ar y dde.
Maloney a greodd yr ail hefyd yn yr amser brifo ar ddiwedd y gêm, yr Albanwr yn gosod y tro hwn i’r gŵr ifanc dwy ar bymtheg, Tymon.
Bydd yn rhaid i’r Elyrch ganolbwyntio yn awr ar y gynghrair, ble maent ddau bwynt yn glir o Hull sydd ar y gwaelod.
.
Hull
Tîm: Jakupovic, Meyler, Livermore, Dawson (Maloney 70’), Robertson, Henriksen (Hernandez 63’), Huddlestone, Mason, Clucas, Snodgrass, Diomande (Tymon 89’)
Goliau: Hernandez 78’, Tymon 90+3’
Cardiau Melyn: Clucas 45’, Huddlestone 7’
.
Abertawe
Tîm: Nordfeldt, Naughton, van der Hoorn, Fernandez, Kingsley (Rangel 67’), Fer, Cork, Ki Sung-yueng, Dyer (Routledge 63’), Baston (Llorente 62’), Sigurdsson
Cerdyn Melyn: Naughton 88’
.
Torf: 6,608
