Mae’r rheolwr Erol Bulut wedi cael ei ddiswyddo gan Glwb Pêl-droed Caerdydd.
Daw hyn ar ôl i’r Adar Gleision fethu ag ennill yr un o’u chwe gêm yn y Bencampwriaeth hyd yma y tymor hwn.
Maen nhw ar waelod y Bencampwriaeth, gyda dim ond un gôl hyd yn hyn.
Mae’r clwb wedi diolch i Bulut a’i hyfforddwr Nikolaos Karydas am eu gwaith, gyda’r ddau yn gadael ar unwaith.
Mae’n bosib y bydd rhagor o ymadawiadau hefyd, ond bydd Omer Riza yn gyfrifol am y tîm yn y cyfamser.
