Torquay 1–0 Wrecsam
Mae Wrecsam allan o Dlws yr FA ar ôl colli yn erbyn Torquay ar Plainmoor brynhawn Sadwrn.
Aeth y Dreigiau yr holl ffordd i Wembley yn y gystadleuaeth hon y tymor diwethaf cyn colli yn y rownd derfynol yn erbyn North Ferriby, ond maent allan yn y bumed rownd y tymor hwn ar ôl colli yn ne orllewin Lloegr.
Y tîm cartref oedd y gorau trwy gydol y gêm a bu bron i Andre Wright eu rhoi ar y blaen yn yr hanner cyntaf.
Bu rhaid iddynt aros tan y munudau olaf yn y diwedd cyn i’r eilydd, Sheperd Murombedzi, fugeilio’r bêl i gefn y rhwyd a sicrhau lle Torquay yn y rownd nesaf.
