Notts County 4–3 Casnewydd
Cipiodd Notts County fuddugoliaeth gyda gôl yn yr eiliadau olaf wrth i Gasnewydd ymweld â Meadow Lane yn yr Ail Adran brynhawn Sadwrn.
Tair gôl yr un oedd hi cyn i Liam Noble sgorio i’r tîm cartref yn y chweched munud o amser a ganiateir am anafiadau ar ddiwedd y gêm.
Rhuthrodd Casnewydd ar y blaen gyda goliau Mark Byrne ac Alex Rodman yn y deg munud cyntaf.
Tynodd Noble un yn ôl i Notts County ac unionodd Izale McLeod bethau cyn yr egwyl wedi i gic rydd Noble wyro i’w lwybr oddi ar y postyn.
Rhoddodd McLeod y tîm cartref ar y blaen am y tro cyntaf ddeunaw munud o’r diwedd ond roedd Scott Boden yn meddwl ei fod wedi achub pwynt i’r Alltudion pan rwydodd yntau ddeg munud yn ddiweddarach.
Ond cipiodd Noble y pwyntiau i gyd gyda’i ail gôl ef a phedwaredd ei dîm yn hwyr hwyr yn y gêm.
Mae’r canlyniad yn cadw Casnewydd yn unfed ar hugain yn nhabl yr Ail Adran.
.
Notts County
Tîm: Carroll, Hewitt (Amevor 63′), Sprockel (Milsom 54′), Sheehan, Audel, Campbell, Thompson, Noble, Burke (Murray 87′), Stead, McLeod
Goliau: Noble 34’, 90’ McLeod 41’, 71’
Cardiau Melyn: Sprockel 50’, Burke 73’, Noble 90’
.
Casnewydd
Tîm: Day, Donacien, Partridge, Hughes, Barnum-Bobb (Holmes 51′), Rodman, Byrne, O’Sullivan (Collins 69′), Elito, John-Lewis (Boden 69′), McBurnie
Goliau: Byrne 5’, Rodman 10’, Boden 83’
Cardiau Melyn: Partridge 40’, McBurnie 65’
.
Torf: 4,105
