Norwich 1–0 Abertawe
Un gôl oedd ynddi wrth i Abertawe golli yn erbyn Norwich oddi cartref yn Carrow Road brynhawn Sadwrn.
Sgoriodd Jonny Howson unig gôl y gêm i’r tîm cartref ugain munud o’r diwedd.
Yn dilyn hanner cyntaf di sgôr roedd hi’n ymddangos yn fwyfwy tebygol y byddai un gôl yn ennill y gêm gymharol ddiflas wrth i’r ail hanner fynd yn ei flaen.
Daeth honno pan beniodd Dieumerci Mbokani gic gornel Robbie Brady yn ôl ar draws ceg y gôl i’w rhoi ar blât i Howson.
Gylfi Sigurdsson a ddaeth agosaf at unioni i’r Elyrch ond tarodd ei gynnig ef yn erbyn y trawst wrth i Norwich ddal eu gafael.
Mae Abertawe yn aros yn bedwerydd ar ddeg yn y tabl er gwaethaf y canlyniad ond gall Chelsea godi uwch eu pennau gyda buddugoliaeth yn y gêm hwyr.
.
Norwich
Tîm: Ruddy, Wisdom, R Bennett, Bassong, Olsson, Howson, Tettey, O’Neil, Brady, Hoolahan (Mulumbu 90′), Jerome (Mbokani Bezua 68′)
Gôl: Howson 70’
Cerdyn Melyn: O’Neil 90’
.
Abertawe
Tîm: Fabianski, Naughton, Fernandez, Williams, Taylor, Ki Sung-yueng, Shelvey (Éder 87′), Ayew, Sigurdsson (Britton 78′), Montero (Routledge 64′), Gomis
.
Torf: 27,029
