Brighton 1–1 Caerdydd
Gôl yr un a phwynt yr un oedd hi wrth i Gaerdydd ymweld â’r Amex i herio’r tîm ar frig y Bencampwriaeth, Brighton, brynhawn Sadwrn.
Rhoddodd gôl gynnar Joe Mason yr Adar Gleision ar y blaen cyn i Dale Stephens unioni pethau i’r tîm cartref.
Pum munud yn unig oedd ar y cloc pan wyrodd Mason groesiad isel Scott Malone i gefn y rhwyd.
Ond nid yw Brighton wedi colli hyd yn hyn y tymor hwn ac roeddynt yn gyfartal cyn yr egwyl diolch i foli daclus Stephens.
Y tîm cartref a gafodd y gorau o’r gêm heb os, ond wedi dweud hynny gallai Caerdydd fod wedi dwyn y pwyntiau i gyd oni bai i gynnig Sami Ameobi gael ei glirio oddi ar y llinell yn yr ail hanner.
Mae’r gêm gyfartal yn ddigon i gadw Brighton ar frig y Bencampwriaeth ond mae’r Adar Gleision yn llithro un lle i’r wythfed safle.
.
Brighton
Tîm: Stockdale, Bruno, Greer, Dunk, Bong, Rosenior, Stephens, Kayal, March, Baldock (Manu 82′), Hemed (Zamora 67′)
Gôl: Stephens 38’
.
Caerdydd
Tîm: Moore, Fabio, Morrison, Connolly, Malone (Peltier 83′), Pilkington (Noone 54′), Dikgacoi, Whittingham, Ralls, Jones (Ameobi 63′), Mason
Gôl: Mason 5’
Cardiau Melyn: Malone 34’, Fabio 45’, Wittingham 65’, Peltier 85’
.
Torf: 26,399
