Abertawe 3–0 Caerefrog
Mae Abertawe yn rownd nesaf Cwpan y Gynghrair ar ôl trechu Caerefrog ar y Liberty nos Fawrth.
Sgoriodd ail dîm yr Elyrch dair gôl wrth sicrhau eu lle yn y drydedd rownd yn gyfforddus gyda buddugoliaeth yn erbyn y tîm o’r Ail Adran.
Ychydig dros funud o’r gêm oedd wedi mynd pan roddodd Nathan Dyer y tîm cartref ar y blaen, ac felly yr arhosodd hi tan yr egwyl.
Dyblwyd y fantais toc wedi’r awr pan wyrodd ergyd Matt Grimes oddi ar amddiffynnwr cyn mynd i mewn oddi ar y postyn.
Cwblhawyd y sgorio ddau funud o’r diwedd pan gyfunodd dau o’r eilyddion i rwydo’r drydedd, Jonjo Shelvey yn creu a Marvin Emnes yn sgorio.
.
Abertawe
Tîm: Nordfeldt, Rangel, Bartley, Amat, Tabanou, Britton, Ki Sung-yueng (Shelvey 81′), Dyer (Ayew 87’), Grimes (Emnes 76′), Routledge, Éder
Goliau: Dyer 2’, Grimes 64’, Emnes 88’
.
Caerefrog
Tîm: Flinders, McCoy, Lowe, Winfield, Nolan, Ilesanmi, Summerfield, Penn (Carson 78′), Berrett (Godfrey 71′), Oliver (Rzonca 71′), Thompson
.
Torf: 10,174
