Garry Monk (PA)
Fe gafodd rheolwr Abertawe, Garry Monk, ei guro gan Jose Mourinho o Chelsea yn y ras am deitl Rheolwr y Flwyddyn yn yr Uwch Gynghrair.
Rheolwr y pencampwyr a gafodd ei ddewis gyda Garry Monk ymhlith y pedwar ar y rhestr fer.
Ond mae wedi cadarnhau ei fod yn chwilio am gyfleoedd i brynu rhagor o chwaraewyr ar gyfer y tyor newydd.
Mae hefyd yn dweud nad oes bwriad i werthu neb o sêr y clwb, er gwaetha’ sïon am ddiddordeb gan glybiau mawr mewn chwaraewyr fel Gylfi Sigurdsson.
‘Y gorau’
Roedd Monk ei hun wedi dweud mai Mourinho ddylai ennill y teitl ond roedd un arall o’r cystadleuwyr, Arsene Wenger o Arsenal, wedi cefnogi rheolwr Abertawe.
Ynghynt yr wythnos yma, fe ddywedodd Cadeirydd yr Elyrch, Huw Jenkins, mai Garry Monk oedd y rheolwr gorau yr oedd wedi ei benodi.
