Mae Malcolm ‘Malky’ Mackay wedi ymddiheuro am anfon dau neges testun oedd yn amharchus tuag at ddiwylliannau eraill.
Mae cyn-reolwr Caerdydd ac Iain Moody i’r clwb hefyd yn cael eu cyhuddo o anfon negeseuon aflednais. Cafodd y ddau eu diswyddo gan Gaerdydd y tymor diwethaf.
Mewn datganiad ar ran Cymdeithas y Rheolwyr dywedwyd bod Mackay yn ymddiheuro os oedd wedi achosi loes i unrhyw un. Dywedodd Cymdeithas y Rheolwyr iddyn nhw edrych ar 10,000 o negeseuon testun gan Mackay a chaslgu y gallai dau ohonyn nhw achosi amharch i ddiwylliannau eraill. Yn ôl y Gymdeithas fe wnaeth Mackay anfon y negeseuon pan oedd dan bwysau mawr yn ei waith ac mae ychydig o sbri rhwng ef a Moody oedd y negeseuon.
Dywedir bod Mackay yn poeni yn fawr am yr adroddiadau camarweiniol sydd wedi eu gwneud ynglŷn â’r negeseuon. Mae wedi mynegi ei fod yn barod i gydweithio gyda’r Gymdeithas Bêl-droed i drafod y mater.
Cyn y ffrwgwd negeseuon tecst, Mackay oedd y ffefryn i fod yn rheolwr nesaf Crystal Palace. Ond nid felly erbyn hyn.
Ers i’r stori dorri mae Iain Moody wedi ymddiswyddo o’i waith yn Gyfarwyddwr Chwaraeon Crystal Palace.
