Mae’r dyfalu am ddyfodol y chwaraewr canol cae Jonathan de Guzman yn parhau yn dilyn cyhoeddi rhifau chwaraewyr Abertawe ar gyfer y tymor hwn.

Jefferson Montero sydd wedi derbyn crys rhif 20, y rhif roedd de Guzman wedi’i wisgo’r tymor diwethaf.

Mae adroddiadau’r wythnos hon yn ei gysylltu â throsglwyddiad i QPR, er bod yr Elyrch wedi dweud ddiwedd y tymor diwethaf eu bod nhw’n awyddus i’w ddenu i’r Liberty yn barhaol yn dilyn dau dymor llwyddiannus ar fenthyg o Villareal .

Ond ar drothwy’r tymor newydd, mae’r rheolwr Garry Monk wedi cadarnhau na fu trafodaethau rhyngddo fe a chwaraewr yr Iseldiroedd ers diwedd Cwpan y Byd yn yr haf.

Wrth gyhoeddi’r rhestr rifau, daeth cadarnhad bod yr amddiffynnwr Chico Flores a’r ymosodwr Pablo Hernandez wedi gadael y clwb am Qatar, y naill yn symud i glwb Lekhwiya, lle mae Michael Laudrup yn rheolwr, a’r llall i Al-Arabi.

Y chwaraewr canol cae Ki Sung-Yeung, dreuliodd y tymor diwethaf ar fenthyg yn Sunderland, sy’n cael gwisgo crys rhif 4 Chico y tymor hwn, tra bod Marvin Emnes yn derbyn crys rhif 11 Pablo Hernandez.

Y golwr newydd Lukasz Fabianski sy’n cael gwisgo crys rhif 1 yn dilyn trosglwyddiad Michel Vorm i Spurs, tra bod Gylfi Sigurdsson wedi dewis rhif 23.

Bydd yr ymosodwr newydd, Bafetimbi Gomis yn gwisgo rhif 18, tra bydd Stephen Kingsley yn gwisgo crys rhif 35.

Mae’n ymddangos bod yr Elyrch gam yn nes at arwyddo’r amddiffynnwr canol Federico Fernandez o Napoli, ond does dim cadarnhad o’r trosglwyddiad hwnnw ar hyn o bryd.

Y rhestr yn llawn:

1 Lukasz Fabianski
2 Jordi Amat
3 Neil Taylor
4 Sung-Yueng Ki
5 Alan Tate
6 Ashley Williams
7 Leon Britton
8 Jonjo Shelvey
10 Wilfried Bony
11 Marvin Emnes
12 Nathan Dyer
13 David Cornell  
15 Wayne Routledge
18 Bafe Gomis
19 Dwight Tiendalli
20 Jefferson Montero
21 Jose Canas
22 Angel Rangel
23 Gylfi Sigurdsson
25 Gerhard Tremmel
27 Kyle Bartley   
28 Curtis Obeng
29 Jazz Richards    
30 Joshua Sheehan
31 Lee Lucas  
32 Liam Shephard
34 Henry Jones
35 Stephen Kingsley  
36 James Loveridge  
37 Scott Tancock
38 Adnan Maric 
39 Kurtis March
40 WEDI’I DDIDDYMU ER COF AM BESIAN IDRIZAJ
41 Rory Donnelly
42 Oliver Davies
43 Alex Bray
44 Sam Evans
45 Gregor Zabret
46 Kenji Gorre
47 Alexander Gogic
48 Corey Francis 
49 Kristian Scott
50 Ryan Hedges
51 Joseph Jones
52 Connor Roberts
53 Adam King
54 Alex Samuel
55 Raheem Hanley
56 Jay Fulton
57 Keston Davies