Daeth cadarnhad na fydd dau o brif chwaraewyr Abertawe ar gael ar gyfer eu taith i wynebu Napoli yn ail gymal y gêm yng Nghynghrair Europa nos fory.
Cafodd Jonjo Shelvey ei anafu yn yr ornest yn erbyn Lerpwl yn Anfield ddydd Sul, ac mae Michu yn dal i ddioddef o anaf i’w bigwrn.
Gallai Michu ail-ddechrau ymarfer yr wythnos nesaf, ac mae’n bosib y bydd Shelvey ar gael i wynebu Crystal Palace ddydd Sul.
Mae Ben Davies hefyd yn ôl yn y garfan i herio Napoli ar ôl cael ei ddisodli gan Neil Taylor ar gyfer y gêm yn Anfield.
Roedd Abertawe a Napoli yn gyfartal ddi-sgôr ar ddiwedd y cymal cyntaf yn y Liberty nos Iau ddiwethaf.
