Gareth Bale
Mae rheolwr tîm pêl-droed Cymru, Chris Coleman wedi cadarnhau na fydd Gareth Bale yn rhan o’r tîm sy’n cychwyn y gêm yn erbyn Serbia fory.
Mae chwaraewr drytaf y byd yn dioddef o anaf i gesail y forddwyd ar hyn o bryd, ac mae Chris Coleman wedi dweud bod rhaid meddwl am yr effeithiau tymor hir os fydd Bale yn chwarae ac yn gwneud rhagor o niwed i’w hun. Mae wedi cael sgan i ddarganfod pa mor ddifrifol yw’r anaf.
Colli o 2-1 oedd hanes Cymru yn erbyn Macedonia ddydd Gwener gyda Bale yn eistedd ar y fainc.
Nid yw Bale wedi ymddangos mewn gêm gystadleuol ers mis Gorffennaf, cyn i Real Madrid dalu £85.3 miliwn i Tottenham Hotspurs am iddo ymuno â’r tîm.
