Bradley Reid sgoriodd yr ail i Wrecsam.
Tamworth 2 – 2 Wrecsam
Er eu bod yn arwain gyda deng munud yn weddill, bu’n rhaid i Wrecsam setlo am gêm gyfartal yn Tamworth p’nawn ’ma.
Y tîm cartref oedd yn arwain wedi 19 munud diolch i gôl gan Jake Jones, ond roedd Wrecsam yn gyfartal ddeunaw munud yn ddiweddarach diolch i’r ymosodwr profiadol, Brett Ormerod.
Roedd hi’n edrych yn addawol am ail fuddugoliaeth o’r tymor i dîm Andy Morrell wedi i’r llanc Bradley Reid sgorio gydag 11 munud yn weddill. Er hynny, achubodd Darren Byfield y tîm cartref gyda gôl bum munud yn ddiweddarach.
Mae’r canlyniad yn golygu fod Wrecsam yn gorwedd yn y bedwaredd safle ar ddeg yn y Gynghres.
