Casnewydd 1 – 0 Bristol Rovers
Roedd cic o’r smotyn gan Andy Sandell yn ddigon i sicrhau ail fuddugoliaeth o’r tymor i Gasnewydd yn erbyn eu cymdogion o’r ochr arall i Bont Hafren.
Dyfarnwyd y gic o’r smotyn i’r tîm cartref wedi trosedd ar Christian Jolley ym mlwch cosbi’r ymwelwyr funudau cyn yr hanner.
Mae’r canlyniad yn golygu fod Rovers yn dal i chwilio am eu buddugoliaeth gyntaf o’r tymor, tra bod Casnewydd yn codi i’r seithfed safle wedi tair gêm.
