bernabeu
Bathodyn Real Madrid - ar grys Gareth Bale cyn hir?
Mae Cadeirydd Tottenham Hotspur, Daniel Levy, yn dweud ei fod yn benderfynol na fydd y Cymro Gareth Bale yn cael ei werthu i Real Madrid – er fod y chwaraewr yn dweud ei fod eisiau siarad gyda nhw..
Mae Tottenham wedi gwrthod y syniad o gynnig o £85 miliwn gan Real Madrid , er nad yw’r clwb o Sbaen wedi cyflwyno cynnig ysgrifenedig eto.
Mae’n ymddangos bod Bale yn awyddus iawn i wybod mwy am y cynnig – yn y gorffennol mae wedi sôn am ei freuddwyd plentyn o chwarae i Real.
Mae Spurs yn obeithiol y gallan nhw ddwyn perswâd Bale sydd â thair blynedd ar ôl yn ei gytundeb yn White Hart Lane.
Mae disgwyl i Real gyhoeddi eu diddordeb yn ffurfiol yr wythnos hon am y chwaraewr a sgoriodd 26 o goliau y tymor diwethaf i Tottenham Hotspur.
