Gareth Bale
Mae’r papurau’n llawn dyfalu gwyllt y bydd y Cymro Gareth Bale yn gadael Tottenham Hotspur am Real Madrid.
Mae rhai ohonyn nhw’n awgrymu y bydd y chwaraewr canol cae yn torri record trosglwyddo’r byd, gyda ffi a allai fod tros £90 miliwn.
Ond does dim cytundeb chwaith – yn ôl rhai papurau, mae Spurs yn gwrthod gwerthu a’r berthynas bellach yn wael iawn rhwng Bale a chadeirydd y clwb.
Elfen allweddol oedd methiant Spurs i ennill lle ym mhrif gystadlaethau Ewrop a’r gred ydi fod Gareth Bale ei hun bellach yn awyddus i symud.
Roedd wedi ennill yr holl brif anrhydeddau am fod yn chwaraewr y flwyddyn yn yr Uwch Gynghrair y llynedd.
