Malky Mackay
Mae disgwyl i chwaraewr canol-cae Blackpool, Tom Ince benderfynu ddydd Gwener a fydd e’n ymuno â Chaerdydd y tymor nesaf.
Mae Caerdydd yn gobeithio arwyddo Ince, sy’n fab i gyn-chwaraewr canol cae Man U, Paul, am £8 miliwn.
Mae Blackpool eisoes wedi derbyn y cynnig, ac mae trafodaethau am ei gytundeb yn parhau.
Dywed rheolwr Caerdydd, Malky Mackay ei fod e’n ffyddiog y bydd Ince yn penderfynu ymuno â’r clwb, fydd yn cystadlu yn yr Uwch Gynghrair am y tro cyntaf y tymor nesaf.
Mae Lerpwl a Spurs eisoes wedi dangos diddordeb yn Ince, ond mae’n debygol na fydd Everton nac Abertawe yn gwneud cais hwyr am y chwaraewr.
