Mae Ryan Giggs wedi ymestyn ei gytundeb gyda Manchester United am flwyddyn arall heddiw.
Arwyddodd y Cymro 39 oed gytundeb a fydd yn ei gadw yn Old Trafford tan fis Mehefin 2014.
Ymunodd Giggs â Manchester United yn 1987, yn rhan o’r tîm ieuenctid. Arwyddodd gytundeb proffesiynol yn 1990, ac mae wedi bod yn aelod rheolaidd o dîm Sir Alex Ferguson ers hynny.
Ryan Giggs yw’r chwaraewr sydd wedi chwarae’r nifer fwya’ o gemau i Man U yn eu hanes, dros 900 o gemau yn y crys coch.
Mae wedi ennill yr Uwch Gynghrair 12 o weithiau gyda’r clwb, ac ef yw’r unig ddyn i chwarae a sgorio gôl ym mhob tymor o’r Uwch Gynghrair ers dechrau’r gystadleuaeth.
