Geraint Thomas
Roedd gorffen yn y bedwerydd safle yng nghymal diweddaraf y Tour Down Under yn ddigon i Geraint Thomas aros ar flaen y ras, gyda thri chymal arall i’w cyflawni.
Ar y cymal hir o 139km o Unley i Stirling, roedd Thomas a thîm Sky yng nghanol y pac, nes i’r grŵp wahanu wedi 90km. Daeth y pac yn ôl at ei gilydd gydag ond 5km i fynd, a phan benderfynodd Tom-Jelte Slagter i ddechrau ei sbrint tua’r llinell, nid oedd unrhyw un yn gallu ei ddal.
Slagter, o’r Iseldiroedd, oedd yn fuddugol, gyda Matt Goss a Philippe Gilbert y tu ôl iddo. Daeth Geraint Thomas i mewn yn bedwerydd, sy’n ddigon iddo ddal ei afael ar y jersi felen am ddiwrnod arall.
Wedi’r cymal, roedd Thomas llawn canmoliaeth am aelodau eraill ei dîm.
“Roedd y bois yn gryf ac mewn rheolaeth drwy’r cymal, ond fe gawsom ni ein profi heddiw, yn bendant,” meddai Thomas.
Bydd y cymal nesaf yn dechrau ddydd Gwener, gyda’r ras yn symud 126.5km o Modbury i Tanunda.
