Roedd gerddi Trentham ger Stoke yn llawn bwrlwm bore ma’. Roedd y Tour Of Britain wedi cyrraedd, ac roedd nifer wedi dod i weld sêr y byd seiclo.
Bu bws Tîm Sky yn cael y rhan fwyaf o’r sylw – mae Bradley Wiggins a Mark Cavendish yn enwog erbyn hyn.
Sylwebu
Mi lwyddais i gael gair â’r cyn beiciwr Rob Hayles, sy’n darlledu’r ras i ITV. Dywedodd: “Bydd y cymal fory yng Nghymru yn holl bwysig, gyda mynydd Caerffili yn cael ei ddringo ddwywaith.”
Gofynnais sut mae bod tu ôl i’r meicroffon, yn hytrach na rasio yn cymharu: “Mae fy nyddiau i wedi bod, ac, ar ôl y tywydd ddoe rwy’n falch i fod yn y blwch sylwebu,” meddai Hayles.
Awgrymodd Hayles y gall Luke Rowe ennill y ras.
Gobeithion
Roedd rheolwr teamyouthuk, Dave Povall o Gasnewydd, yn hapus â pherfformiad y tîm hyd yn hyn.
“Uchelgais y tîm yw cael Yanto Barker, yn wreiddiol o Fachynlleth yn y deg uchaf, neu ennill cymal,” meddai Povall.
Mae cymal heddiw yn 147km sef 91.4 milltir ond, yn wahanol i ddoe, mae’r haul yn gwenu.
Adroddiad: Tommie Collins
